ჩხოროწყუს მუნიციპალიტეტის მერი დათო გოგუა დღეს ქალაქის მაჟორიტარ დეპუტატ ჯანო პერტაიასთან ერთად ხაბუმეში მცხოვრებ უხუცეს ქალბატონს ეთერ შენგელიას სახლში ესტუმრა. მერმა ეთერ შენგელიას 100 წლის იუბილე და შობა- ახალი წელი მიულოცა, ჯანმრთლობა,მხნეობა დღეგრძელობა უსურვა მას და საჩუქრები მიართვა. მერიაში მოქმედი "100 წელს გადაცილებულ მოქალაქეთათვის ერთჯერადი დახმარების" პროგრამის ფარგლებში ეთერ შენგელია 1500 ლარს მიიღებს.