აბაშის მუნიციპალიტეტმა მაგიდის ჩოგბურთში სასკოლო სპორტული ოლიმპიადის რეგიონალურ თამაშებს უმასპინძლა. ღონისძიებაში მონაწილეობა რეგიონის მასშტაბით მუნიციპალურ ეტაპზე გამარჯვებულმა გუნდებმა მიიღეს. ჩხოროწყუს მუნიციპალიტეტი ნაკიანის საჯარო სკოლის გოგონათა და კირცხის #1 საჯარო სკოლის ვაჟთა გუნდებმა წარმოადგინეს, რომლებმაც საკმაოდ წარმატებით იასპარეზეს რეგიონალურ ეტაპზე. ნაკიანის გოგონათა გუნდმა მეორე, ხოლო კირცხის #1 საჯარო სკოლის ვაჟთა გუნდმა მესამე საპრიზო ადგილები დაიმსახურეს. გამარჯვებულები აბაშის მუნიციპალიტეტის მერიის სპორტის სამსახურისა და სასპორტო გაერთიანების ხელმძღვანელებმა შესაბამისი ხარისხის თასებით, მედლებითა და დიპლომები დააჯილდოვეს.